I Kven kan søkja?
Frivillige og ideelle lag, foreiningar og organisasjonar med tilhald i kommunane/herada Kvam, Voss, Ulvik, Eidfjord og Ullensvang.
II Kva kan det søkjast om midlar til?
- Bortfall av inntekter.
- Støtte til digital gjennomføring av lokale arrangement og aktivitetar.
III Søknadsfrist ?
Stiftinga tek i mot søknader kontinuerlig frå og med 01.06.2020.
IV Kva må søknaden innehalda ?
- Organisasjonsnummer og organisasjonen sitt namn.
- Kontaktperson og kontaktinformasjon hos søkjar.
- Kort utgreiing av grunnlaget for søknaden.
- Søknadsbeløpet.
- Dokumentasjon på bortfall av inntekter.
- Oversikt over organisasjonen sin samla økonomi.
- Opplysingar om det er søkt støtte hos offentlege ordningar og /eller ordningar frå andre stiftingar og bankar retta mot problem oppstått som fylgje av koronakrisa ? Om søknaden er avgjort ber ein opplyst resultatet.
- Kontonummer som høyrer organisasjonen til.
V Kor skal søknaden sendast ?
På e. post til:
post@hardangerstiftinga.no
VI Korleis vert søknaden vurdert?
Dette er ein ekstraordinær situasjon også for Sparebankstiftinga Hardanger.
Vurdering av søknadane vil bli gjort med plan om å fordela midlane så godt som mogleg ut frå tal søknader, samla søknadssum, behovet for den enkelte søkjar og tidsperspektivet fondet skal vara.
VII Kor lang handsamingstid er det på søknaden ?
Handsamingstida kan variera ut frå tal søknader og storleiken på disse. Stiftinga tek høgde for at situasjonen som samfunnet er inne i kan bli langvarig, og vil derfor måtte handsama søknadane i dette perspektivet.
VIII Når vert tilskotet betalt ut ?
Betaling vert gjort straks etter søknaden er godkjent.
Kinsarvik 20.05.2020
Styret i Sparebankstiftinga Hardanger