Styret i Sparebankstiftinga Hardanger har i tillegg til haustens ordinære gåvetildeling, vedteke 2 særskilte løyvingar på til saman kr 3 500 000,-
Den fyrste løyvinga har gått til eit fellesprosjekt i regi av Handelens Miljøfond med prosjekt "Stopp spøkelsesfiske i Sør-Norge" med 1 million kroner.
Tapte teiner, garn og anna fiskereiskap held fram med å fanga og drepa marint liv i mange år, og plasten blir broten ned til mikroplast. Prosjektet skal kartleggja, fjerna og førebyggja spøkelsesreiskap langs kysten frå Færder til Molde, med mål om å henta opp om lag 10 000 tapte teiner og andre reiskapar.
Prosjektet er eit treårig samarbeid frå august 2026 til juli 2029:
- Handelens Miljøfond er mottakar og har prosjektleiing, økonomistyring og koordinering.
- Havforskingsinstituttet har det faglege ansvaret.
- Green Bay står for kartlegging med undervassteknologi (AUV og ROV) og opprydding.
Samla kostnadsramme er 49 mill. kr. Handelens Miljøfond finansierer 4 mill. kr, og 45 mill. kr er finansiert frå økosystemet rundt Sparebanken Norge. Mellom bidragsytarane finn me Agenda Vestlandet, Sparebankstiftelsen Sparebanken Norge, Vest og Sparebankstiftelsen Sparebanken Norge, Etne.
Den andre løvinga har gått til Øystese fotballklubb sitt prosjekt "Klubbhus i Busdalen" med 2,5 millionar kroner, der Sparebanken Norge samtidig har løyvd 4 millionar kroner. Med det har prosjektet fått totalt 6,5 millionar kroner frå stiftinga og banken.
Sjå ordinær tildelingsoversikt for i haust her!
